Ngā Tāngata Taumata Rau, 1879–1960
Posted 8 July 2011 // Basil Keane
Ripeka Evans, Basil Keane, Ngā Tāngata Taumata Rau
Kei roto hoki te reo Pākehā tēnei Rātaki (This blog post is also available in English)
Ko manaakitanga te kaupapa o te Wiki o te Reo Māori i te tau nei. I tipu ake te whakaaro ko te huarahi tika ki te manaaki i te reo ko te whakaputa i tetahi pukapuka hiko; ko Ngā Tāngata Taumata Rau te kaupapa. Nā reira, i tāngia e Te Ara, ngā haurongo Māori i roto i te reo Māori: http://www.mch.govt.nz/news-events/news/ng%C4%81-t%C4%81ngata-taumata-rau-1869-1960.
Ko Ngā Tāngata Taumata Rau, 1879-1960 te hua i puta mai, ā, kua tata te 500 ngā haurongo kei roto. Ka mutu pea te reo i roto. Ko ētahi o ngā tohunga nā rātou ngā kupu i whakairo ko Tairongo Amoamo rātou ko Te Pōroa Malcolm, ko Pou Temara, ko Merimeri Penfold, ko Wiremu Kaa, ko Rangi McGarvey. Waimarie mātou o Te Ara, ko Rangi McGarvey tō mātou whakaruruhau mō te reo i runga i Te Ara.
E pēnei ana te whakataukī, Nāu te rourou, nāku te rourou, ka ora ai te iwi. Ko Julia Vodanovich rāua ko Heath Sadlier ngā kaihanga whakaahua i whakarite i te uhi o te pukapuka. Nā tō mātou tohunga rorohiko i tuku mai i ngā kupu katoa mō te pukapuka.
Ki a au nei, he kaupapa pai tēnei hei timata i taku tūranga hou, kaiwhakahaere mō ngā kaupapa hiko. Kei runga Ngā Tāngata Taumata Rau, 1769-1960 i taku Kindle i tēnei wā, ā, hei te mutunga o tērā tau kua pānuitia katoatia te pukapuka e au. Ka pānuitia e au tētahi haurongo ia rā.
