Kia ora SpongeBob
Posted 27 July 2009 // Basil Keane
SpongeBob Tarau Porowhā
He aha te ōritetanga o SpongeBob, Trade Me me te tangata i wikitoria mō te kanikani me ngā whetū? Kei te tautoko tonu i te wiki o te reo Māori. Ko SpongeBob Tarau Porowhā kua whakamāoritia, ā, ka kitea i te wiki nei i runga i a Nickelodeon. Ko tā Trade Me, kua whakamāori i ngā kupu i raro i a Kevin te Kiwi. Arā, Ko Te Papa Hokohoko ā Ngā Kiwi. I te ata nei, te toa o kanikani me ngā whetū a Tāmati Coffey, kaipānui tohu o tāwhirimātea, ka pānui i ngā ingoa wāhi me ngā rā o te wiki i roto i te reo Māori i runga i te hōtaka Parakuihi.
Tamati Coffey (nō Te Taura Whiri i te Reo Māori te whakaahua)
Ko ēnei āhutanga he tohu kua paingia te reo Māori e te hapori. Ka tika hoki, nā te mea, ko te kaupapa o te wiki nei, ko te reo i te hapori.
Kei te Manatū Taonga kua tautoko anō i te reo. Kei Te Ara, kua whakamāoritia ngā urunga kaupapa Māori. Kei NZHistory.net ngā kupu kotahi rau o te reo Māori. Kei ngā tāngata taumata rau, arā te DNZB, kua whakamāoritia te katoa o ngā haurongo Māori. Mō ngā kaupapa o te Wiki o te reo Māori, tirohia NZLive.com.
Kei roto hoki te reo Pākehā tēnei Rātaki (This blog post is also available in English)
Tena koe Basil mo tenei paku tuhinga. He tohu pai tenei ki a au kua mau te reo Maori i te hapori. He manawa nui te Wiki o te reo Maori kia mau tonu ki to tatou reo i nga wa katoa. Ka taea te korero Maori i te Wiki nei, ka taea hoki te korero Maori i nga wa katoa.